ಫಿಲಿಪ್ಪೈನ್ಸ್ ಸೇನಾ ವಿಮಾನ ಅಪಘಾತ: 17 ಯೋಧರ ಮರಣ, 40 ಮಂದಿಯ ರಕ್ಷಣೆ, ಮುಂದುವರಿದ ರಕ್ಷಣಾ ಕಾರ್ಯಚರಣೆ
ಸುಲು ಪ್ರಾಂತ್ಯದಲ್ಲಿ ಫಿಲಿಪೈನ್ಸ್ ಸೈನಿಕರು ಉಗ್ರರ ವಿರುದ್ಧ ಕಾರ್ಯಾಚರಣೆ ನಡೆಸುತ್ತಿದ್ದಾರೆ. ತನ್ನಿಮಿತ್ತ ದಕ್ಷಿಣದಲ್ಲಿರುವ ಕಾಗಾಯನ್ ಡಿ ಓರೋ ನಗರದಿಂದ ಯೋಧರು ಸುಲು ಪ್ರಾಂತ್ಯಕ್ಕೆ ಈ ವಿಮಾನದಲ್ಲಿ ಪ್ರಯಾಣ ಬೆಳೆಸಿದ್ದರು.
92 ಮಂದಿಯಲ್ಲಿ ಮೂವರು ಪೈಲಟ್ಗಳು, ಐವರು ವಿಮಾನ ಸಿಬ್ಬಂದಿಯಾಗಿದ್ದರೆ, ಉಳಿದವರೆಲ್ಲ ಸೈನಿಕರೇ ಆಗಿದ್ದರು. ಮೃತಪಟ್ಟ 17 ಮಂದಿ ಕೂಡ ಸೇನಾ ಸಿಬ್ಬಂದಿಯೇ ಆಗಿದ್ದಾರೆ ಎಂದು ಫಿಲಿಪೈನ್ಸ್ ರಕ್ಷಣಾ ಕಾರ್ಯದರ್ಶಿ ಡೆಲ್ಫಿನ್ ಲೊರೆಂಜಾನಾ ತಿಳಿಸಿದ್ದಾರೆ. ಈ ಸೇನಾವಿಮಾನ ಇನ್ನೇನು ಕೆಲವೇ ಕ್ಷಣ ಕಳೆದರೆ ಲ್ಯಾಂಡ್ ಆಗುತ್ತಿತ್ತು. ಆದರೆ ದಕ್ಷಿಣದಲ್ಲಿರುವ ಸುಲು ಪ್ರಾಂತ್ಯದಲ್ಲಿರುವ ಪರ್ವತಪ್ರದೇಶದಲ್ಲಿರುವ ಪಟಿಕುಲ್ನ ಬಾಂಗ್ಕಲ್ ಗ್ರಾಮದ ಬಳಿ ಅಪಘಾತಕ್ಕೀಡಾಗಿದೆ. ನೆಲಕ್ಕೆ ಅಪ್ಪಳಿಸಿದ ವಿಮಾನದಲ್ಲಿ ಬೆಂಕಿ ಕಾಣಿಸಿಕೊಂಡು ದೊಡ್ಡ ಅನಾಹುತವೇ ಆಗಿದೆ.
ಸುಲು ಪ್ರಾಂತ್ಯದಲ್ಲಿ ಫಿಲಿಪೈನ್ಸ್ ಸೈನಿಕರು ಉಗ್ರರ ವಿರುದ್ಧ ಕಾರ್ಯಾಚರಣೆ ನಡೆಸುತ್ತಿದ್ದಾರೆ. ತನ್ನಿಮಿತ್ತ ದಕ್ಷಿಣದಲ್ಲಿರುವ ಕಾಗಾಯನ್ ಡಿ ಓರೋ ನಗರದಿಂದ ಯೋಧರು ಸುಲು ಪ್ರಾಂತ್ಯಕ್ಕೆ ಈ ವಿಮಾನದಲ್ಲಿ ಪ್ರಯಾಣ ಬೆಳೆಸಿದ್ದರು.